Uko wahagera

Zambiya na MSF Biratanga Urukingo rwa Cholera


Ikarata ya Zambiya
Ikarata ya Zambiya

Umuryango w’abaganga batagira imipaka Medecins Sans Frontiers MSF mu magambo ahinnye, watangiye igikorwa cy’ikingira risesuye ry’ indwara ya Cholera mu murwa mukuru wa Zambiya Lusaka.

MSF irimo gukorana na ministeri y’ubuzima ya Zambiya n’ishami rya ONU ryita ku buzima OMS, mu gukingira abantu barenga ibihumbi 570 mu byumweru bibiri. Nk’uko itangazo itangazo rya MSF ribivuga.

Abakozi umunani ba MSF, 19 ba ministeri y’ubuzima ya Zambiya n’abakorerabushake 1,135 b’anyazambiya baturutse i Lusaka, nibo bari muri iyo gahunda y’ikingira.

Gukingira byatangiye ku italiki ya 8 y’uku kwezi kwa 4 umwaka wa 2016, mu bice 39 by’imijyi ine yazahaye cyane i Lusaka. Iyo ni Kanyama, Bauleni, George na Chawama.

Intego ni kugabanya icyorezo cya Cholera cyadutse mu kwezi kwa 2 i Lusaka mu duce dutuwe bikabije. Kuva ku italiki ya 7 y’ukwezi kwa 4, abantu 664 banduye Cholera kandi 12 bahitanywe n’iyo ndwara, nk’uko bivugwa n’umuryango w’abaganga batagira imipaka.

XS
SM
MD
LG