Igihugu c’Ubufaransa catangaje ko cafashe umugabo kivuga ko yari mu mugambi wo gutera Ubufaransa afatanije n’abandi.
Umushikiranganji w’Ubufaransa w’intwaro mu gihugu hagati Bernard Cazeneuve yamenyesheje ko uwo mugabo yafashwe ejo kuwa kane, afatirwa mu mihana y’ahitwa Argenteuil mu buraruko bushira uburengero bw’umugwa mukuru Paris.
Cazeneuve yamenyesheje ko ata kiragaragaza ko yoba afise uruhara mu bitero vyabaye I Paris canke I Buruseli.
Cazeneuve atangaza ko kuva muntango z’uyu mwaka abantu 75 bamaze gufatwa, 28 nabo bamaze gutabwa mw’ibohero.