Umusuwisi, Gianni Infatino, ni we utorewe umwanya wo kuba Perezida mushya wa FIFA, ishyirahamwe ry'umupira w'amaguru kw'isi. Asimbuye Sepp Blatter wegujwe kuri iyo mirimo mu minsi mike ishize.
Gianni Infatino yegukanye amajwi 115 ku ntumwa 207 zatoye zari mu nama idasanzwe ya FIFA.
Mu cyiciro cya mbere cy'itora ryabereye mu mujyi wa Zurich mu Busuwisi, umutaliyani ufite ubwenegihugu bw'Ubusuwisi Infatino, ni we wari waje ku mwanya wa mbere n'amajwi 88. Uyu yari asanzwe ari umunyamabanga mukuru w'Ishyirahamwe ry'umupira w'amaguru mu Burayi.
Umwanya wa kabiri wari wafashwe n'igikomangoma Sheikh Salman wo mu gihugu cya Bahrain, wagize amajwi 85. Uyu asanzwe ayobora ishyirahamwe ry'umupira w'amaguru ku mugabane wa Aziya.
Abo bombi ntawagejeje ku majwi y'ubwigenze asabwa ya biriri bya gatatu. Intumwa z'ibihugu zigera kuri 207 zujuje ibyangombwa byo gutora.
Bwana Infatino ni we musuwisi wa kabiri ubaye perezida wa FIFA, nyuma ya Sepp Blatter.