Komisiyo y'igihugu yigenga y'amatora kuwa gatandatu tariki ya 19 y'ukwa 12 mu 2015 yatangaje ko abatoye itegeko nshinga bangana na 98,4 ku ijana naho abanyarwanda bangana 1,6 ku ijana batoye Oya.
Indorerezi zo zitangaza ko amatora yagenze neza muri rusange, gusa ngo umwanya wo kwitegura wabaye muto. Umunyamakuru w'Ijwi ry'Amerika Assumpta Kaboyi yakurikiranye ibisobanuro bya komisiyo y'igihugu y'amatora.
Mu kiganiro yagiranye n'abanyamakuru amaze gutora kuwa gatandatu, Perezida Paul Kagame yongeye gutangaza ko azasobanura neza niba aziyamamaza ku mwanya wa igihe kigeze.
Ubwo aheruka mu nama y’ishyaka FPR Inkotanyi riri ku butegetsi mu Rwanda ari na we uriyoboye, Prezida Kagame yavuze ko azatanga igisubizo cyo kwiyamamaza cyangwa kutiyamamaza nyuma y’amatora ya Kamarampaka. Bwana Kagame yashimangiraga kandi ko adashobora kwiyamamaza ku mubare muto w’abagaragaza ko batoye Kamarampaka.