Uko wahagera

COP 21: Igikorwa Nyamukuru Gisigaye mu Minwe y’Abashikiranganji


COP 21 I Paris Mu Bufaransa

Abashikiranganji bajejwe ibidukikije baturuka mu bihugu birenga 150 batanguye gutora utunenge integuro y’amasezerano agamije kuraba ingene ihindagurika ry’ibihe ryotorerwa inyishu

Abo bashikiranganji bakoreye mu ngata abahinga bari bamaze indwi biga ahanini ingene ibihugu vya rutura mu butunzi vyogabanya ivyuka birungika mu kirere, bikongera bigafata mu mugongo ibihugu bikenye bikorwako n’ ingarukambi z’ihindagurika ry’ibihe.

Umufasoni Renilde Ndayishimiye ari mubahinga bateguye iyo nteguro y’amasezerano akavuga ko igikorwa kitoroshe kuko hari ingingo nyishi abahinga bava mu bihugu bikenye n’ibitunze batahurijeko .

Zimwe mu ngingo zigiteye impari, harimwo ubwoko bw’amasezerano yoboneka uko yoba ameze nuko yoba yitwa. Uruhande rumwe rwifuza itegeko ryogenga bose, mugihe urundi ruhande rubonako ivya metegeko boba baravyihoza hakaboneka nyabuna amasezerano atunganiriza bose.

Ikibazo c’ikigega co gufasha ibihugu bikenye kwisununura muvy’ubutunzi bitononye ibidukikije naco nyene nticunvikanweko n’impande zose. Ariko naho biri uko,Laurent Fabius yatowe nk’umukuru w’ino nama akaba asanzwe ari n'umushikiranganji ajejwe imigenderanire y’Ubufaransa n’ibindi bihugu, arahumuriza avugako naho igikorwa kikihari, hari intambwe yatewe.

Abashikiranganji ku ruhande rwabo, bemera ko ku musi wa gatanu ayo masezerano azoba yabonetse kandi akunvikanwako na bose. Ari nkahamwe yoramuka abonetse, bitegekanywa muri iyo nteguro yayo ko yoca aja mu ngiro mu mwaka 2020.

Mu mashirahamwe yigenga, babandanya basaba ubutungane bw’ibidukikije n’ibihe. Kuri uno wambere, abari muri ayo mashirahamwe bazindutse barakora imyiyerekano ahabera inama ngo babwire abashikiranganji babo ko umwanya wogutorera inyishu Ikibazo c’ihindagurika ry’ibihe ari uyu.

please wait

No media source currently available

0:00 0:03:47 0:00

  • 16x9 Image

    Diane Nininahazwe

    Diane Nininahazwe akorera igisata c'Ikirundi n'Ikinyarwanda kuva mu 2015. Imbere yo gutangura gukorera ku cicaro gikuru i Washington-DC nk'umumenyeshamakuru n'uwushinzwe imbuga ngurukanabumenyi z'ico gisata (Digital Lead), yakoreye Ijwi ry'Amerika mu Burundi, i Buraya ku murwa mukuru w'Ubudagi i Berlin, no mu gisagara ca Los Angeles muri Reta ya California iri mu burengero bushira ubumanuko bw'Amerika. Umwuga wo kumenyesha amakuru yawutanguye mu 2004 aho yakoreye ibimenyeshamakuru bitandukanye birimwo iradiyo yigenga Bonesha Fm n'ikimenyeshamakuru c'Abafaransa, Le Point Afrique. Imbere yo gukorera Ijwi ry'Amerika, Nininahazwe yarakoze nk'umumenyeshamakuru yigenga ibiganiro vy'amashirahamwe yigenga arimwo iryo mu Buholande, La Benevolencija, iry'Abanyamerika, PSI, iry'Abadagi, EIREN, na CED-Caritas Burundi. Kuva mu 2011, ari mu murwi w'abamenyeshamakuru igisata ca ONU kiraba ivy'ubutunzi, UNECA, gikoresha nk'abigenga mu gukurikirana amanama mpuzamakungu ku vy'ihindagurika ry'ibihe n'iterambere rirama. Afise impamyabushobozi ya kaminuza mu gisata co kumenyesha amakuru mu bijanye n'iterambere (Communication Pour le Développement), n'urupapuro mu vy'umwuga wo kumenyesha amakuru muri rusangi (Multimedia Journalism). Amaze gutahukana ubushimwe butandukanye mu vy'ukumenyesha amakuru burimwo bubiri mpuzamakungu.

XS
SM
MD
LG