Uko wahagera

COP21: Integuro y’Amasezerano ya Nyuma Yabonetse


Inama yiswe COP 21 irabandanije i Paris mu Bufaransa

Kuri uno wagatanu, abarungitswe n'ibihugu vyabo ngo bategure amasezerano ahanini agamije kuraba ingene ivyuka birungikwa mu kirere vyogabanurwa, ibihugu bikenye navyo bigashigukirwa mw'iterambere ryubahiriza ibidukikije berekanye aho bagejeje gutegura ayo masezerano ari ku mpapuro 50.

Ibihugu bikenye vyiteze infashanyo igera ku ma miriyaridi ijana y’ama dollari y’abanyamerika, bikaba bidashima na gato ibiri muri iyo nteguro y’amasezerano.

Tumwe mu tunenge batora iyo nteguro, n'uko ibihugu nk’ubushinwa birungika ivyuka vyinshi mu kirere biterekana urugero canke ikiringo bitegekanya ku gabaniriza ivyuka birungikwa mu kirere bivuye ku mahinguriro.

Igihugu ca leta zunze ubumwe za Amerika cagirizwa kikongera kikiyemerera kuba kirungika ivyuka vyishi nta kibazo kibona mukwiyemeza ryari cotangura kugabanya ivyuka n'urugero iyontumbero yoshikako.

Ariko,muri iyo nteguro y’amasezerano Amerika ntiyemera ko ikigega gitegekanijwe gufasha ibihugu bikenye cokwega ibihugu vyateye imbere mubutunzi. Amerika ibona yuko ico kigega cotereramwo igihugu cose kibishoboye ata kahise mu vy’ivyuka birungikwa mu kirere kabanje kurabwa.

Tossi Panu Panu ari mu bahagarariye ibiganiro ku rwego rwa Afrika, ahamagarira impande zose kutadadaza kuko umwe wese agumye kuco yiyunvira cobera ciza igihugu ciwe amasezerano ahurijweko na bose yogorana kuboneka.

Panu Panu avuga ko atahura abariko barondera gufashwa kwisununura ibidukikije vyubahirijwe ,ariko akanabasa korosha muvyo basaba kuko ari nkahamwe bimwe mu bihugu bitunze vyo kwikura muri ayo masezerano, vyotuma n'ibindi vyinshi biyiyonkorako.

Uyundi muce w’abantu bavuga kuba batisanga muri iyo nteguro y’amasezerano ni abasangwabutaka bomu mihingo itandukanye. Abo basangwa butaka bamenyesha ko n’ingingo ya kabiri yari yategekanijwe kuzokwerekana neza ingene amateka yabo yo kubahirizwa atayo basanze muri iyo nteguro igiteye impari.

Ibihugu vya Afrika Bivuga ko bidashima iyo nteguro y’amasezerano vyagirizwa ku ruhande rwavyo kuba biriko birarenza urugero muvyo bisaba. Ivyo bihugu nyene bisabwa gutsimbataza intwaro ibereye.

Ni mugihe kimwe muco ibihugu bitunze bimaze kwiyemeza, ari uguhimiriza abanya mitahe gutwara imitahe yabo muri Afrika. Ivyo ngo bikaba bisaba intwaro ibereye ihumuriza abo banyamitahe

please wait
Embed

No media source currently available

0:00 0:03:34 0:00

  • 16x9 Image

    Diane Nininahazwe

    Diane Nininahazwe akorera igisata c'Ikirundi n'Ikinyarwanda kuva mu 2015. Imbere yo gutangura gukorera ku cicaro gikuru i Washington-DC nk'umumenyeshamakuru n'uwushinzwe imbuga ngurukanabumenyi z'ico gisata (Digital Lead), yakoreye Ijwi ry'Amerika mu Burundi, i Buraya ku murwa mukuru w'Ubudagi i Berlin, no mu gisagara ca Los Angeles muri Reta ya California iri mu burengero bushira ubumanuko bw'Amerika. Umwuga wo kumenyesha amakuru yawutanguye mu 2004 aho yakoreye ibimenyeshamakuru bitandukanye birimwo iradiyo yigenga Bonesha Fm n'ikimenyeshamakuru c'Abafaransa, Le Point Afrique. Imbere yo gukorera Ijwi ry'Amerika, Nininahazwe yarakoze nk'umumenyeshamakuru yigenga ibiganiro vy'amashirahamwe yigenga arimwo iryo mu Buholande, La Benevolencija, iry'Abanyamerika, PSI, iry'Abadagi, EIREN, na CED-Caritas Burundi. Kuva mu 2011, ari mu murwi w'abamenyeshamakuru igisata ca ONU kiraba ivy'ubutunzi, UNECA, gikoresha nk'abigenga mu gukurikirana amanama mpuzamakungu ku vy'ihindagurika ry'ibihe n'iterambere rirama. Afise impamyabushobozi ya kaminuza mu gisata co kumenyesha amakuru mu bijanye n'iterambere (Communication Pour le Développement), n'urupapuro mu vy'umwuga wo kumenyesha amakuru muri rusangi (Multimedia Journalism). Amaze gutahukana ubushimwe butandukanye mu vy'ukumenyesha amakuru burimwo bubiri mpuzamakungu.

XS
SM
MD
LG