Uko wahagera

COP21: Imodoka Zikoresha Umuyagankuba ni Igisubizo


Imodoka Zikoresha Umuyagankuba Igisubizo ku Kibazo c'Ihindagurika ry'Ibihe

Imodoka zidakoresha igitoro ni kimwe munyishu y’ikibazo c’ihindagurika ry’ibihe. Kugira yuzuzwe umucanwa ushobora kugenda ibirometero 240 itarazima, iyo modoka idakoresha ibitoro canke amazutu, isaba hagati y’iminota 30 n’amasaha atandatu.

Izo modoka ziri mu bwoko butandukanye, zigurwa amafaranga y’abanyaburaya ari hagati y’ibihumbi cumi na bitatu n’ibihumbi cumin a bitanu.

Umufasoni Aline Enriche ajejwe guhanahana amakuru mw’ishirahamwe Alliance Renault rikora iyo miduga kuva mu 2010, yabwiye Ijwi ry’Amerika ko atasoko bararonka muri Afrika . Ibice 99 kw’ijana yiyo bamaze gukora yadandajwe ahanini i Buraya

Igitandukanya iyo modoka n’izindi zikoresha Ibitoro, n’uko yoyo iyo iriko iragenda ata vyuka irungika mu kirere canke ngo hagire induru yunvikana.
Abakurikiranira hagufi ivy’ihindagurika ry’ibihe bakemeza ko izo modoka zifise akamaro kanini kukugabanya ingaruka mbi zituruka kw’ihindagurika ry’ibihe

Naho biri Uko,muri Afrika kugira bayikoreshe ku bwinshi biracari kure.

Bimwe mubihugu bimaze Kugabanya ivyuka birungikwa mu kirere bibicishije mu buryo bwo kwiyunguruza ni nk’igihugu ca Danemark ,aho ibice 40 kw’ijana vy’abanyagihugu bikoresha amakinga mu kwiyunguruza.

Mw’ijambo ryiwe ryo kuri uno wambere aho inama igira mirongo ibiri na rimwe yatangura , umukuru w’igihugu c’Ubufaransa Francois Hollande yabwiye bagenzi biwe ko ibihugu bitunze bitegerezwa gufata mu mugongo ibihugu bikenye mu gisata c’ukwiyunguruza hakoreshejwe uburyo butonona ibidukikije.

  • 16x9 Image

    Diane Nininahazwe

    Diane Nininahazwe akorera igisata c'Ikirundi n'Ikinyarwanda kuva mu 2015. Imbere yo gutangura gukorera ku cicaro gikuru i Washington-DC nk'umumenyeshamakuru n'uwushinzwe imbuga ngurukanabumenyi z'ico gisata (Digital Lead), yakoreye Ijwi ry'Amerika mu Burundi, i Buraya ku murwa mukuru w'Ubudagi i Berlin, no mu gisagara ca Los Angeles muri Reta ya California iri mu burengero bushira ubumanuko bw'Amerika. Umwuga wo kumenyesha amakuru yawutanguye mu 2004 aho yakoreye ibimenyeshamakuru bitandukanye birimwo iradiyo yigenga Bonesha Fm n'ikimenyeshamakuru c'Abafaransa, Le Point Afrique. Imbere yo gukorera Ijwi ry'Amerika, Nininahazwe yarakoze nk'umumenyeshamakuru yigenga ibiganiro vy'amashirahamwe yigenga arimwo iryo mu Buholande, La Benevolencija, iry'Abanyamerika, PSI, iry'Abadagi, EIREN, na CED-Caritas Burundi. Kuva mu 2011, ari mu murwi w'abamenyeshamakuru igisata ca ONU kiraba ivy'ubutunzi, UNECA, gikoresha nk'abigenga mu gukurikirana amanama mpuzamakungu ku vy'ihindagurika ry'ibihe n'iterambere rirama. Afise impamyabushobozi ya kaminuza mu gisata co kumenyesha amakuru mu bijanye n'iterambere (Communication Pour le Développement), n'urupapuro mu vy'umwuga wo kumenyesha amakuru muri rusangi (Multimedia Journalism). Amaze gutahukana ubushimwe butandukanye mu vy'ukumenyesha amakuru burimwo bubiri mpuzamakungu.

XS
SM
MD
LG