Ingabo za Cadi ziri mu mujyi wa Dikwa mu majyaruguru ashyira uburasirazuba bwa Nijeriya zivuga ko zongeye kwambura uwo mujyi abarwanyi ba Boko Haram.
Izo ngabo zitangaza ko abasilikari bazo 34 bakomerekeye mu mirwano yo kubohoza uwo mujyi, wari umaze ibyumweru byinshi ugenzurwa na Boko Haram.
Ibinyamakuru byo muri ako karere bitangaza ko ingabo za Cadi zagiye umuhanda ku muhanda, zirukana abarwanyi ba Boko Haram batari bahunze.
Ejo kuwa mbere, abarwanyi ba Boko Haram batangaje videwo yerekana uko yaciye amajosi y'abagabo babiri, yashinjaga ubutasi. Iyo videwo y'iminota itandatu, yatangajwe ku mbuga za interineti, isa n'izatangajwe n'abarwanyi b'umutwe wa Etat Islamique mu minsi yashize.
Iyi ni inshuro ya kabiri umutwe wa Boko Haram utangaje videwo ku bantu ukata amajosi.