Koreya ya ruguru irakangisha kugerageza ikindi gisasu cya nukleyeri. Ubwo bwaba ari uburyo bwo gusubiza komite ya ONU yamaganye, ihohotera ry'uburenganzira bw'ikiremwa muntu rya Pyongyang.
Mw'itangazo rya taliki ya 20 y'ukwezi kwa 11, 2014, minisitrii w'ububanyi n'amahanga wa Koreya ya ruguru, yavuze ko Pyongyang, itazabasha gukomeza kwifata, ngo ireke kugerageza igisasu nukleyeri cya kane. Komite ya gatatu y' inteko rusange ya ONU, yemeje umwanzuro ku burenganzira bwa muntu mu gihugu kigendera ku matwara ya gikomunisiti.
Uwo mwanzuro usaba akanama k'amahoro ka ONU, ko Koreya ya Ruguru yakoherezwa mu rukiko mpuzamahanga mpanabyaha ku byaha by'urugomo bivugwa ko byibasiye ikiremwa muntu.
Mw'itangazo Koreya ya Ruguru yavuze ko, uwo mwanzuro uwo mwanzuro wuzuye ibinyoma no gusebanya, kandi ko kuwemeza ari gushotorana bikomeye mu rwego rwa politiki. Koreya ya ruguru irega leta zunze ubumwe za Amerika, kuba yarayoboye ibikorwa bigamije gukoza isoni Pyongyang, no guhirika ubuyobozi bwayo.