Mu Rwanda, komisiyo ya politiki n'imibereho myiza mu mutwe wa Sena iravuga ko yarangije gusuzuma ingingo ku yindi mu zigize umushinga wo kuvugurura itegekonshinga. Kugeza magingo aya, ariko, abasenateri b'inteko ishinga amategeko y'u Rwanda barakorera iyo mirimo mu muhezo.
Mu kiganiro Dusangire Ijambo, umunyamakuru w'Ijwi ry'Amerika Etienne Karekezi araganira na bamwe mu banyapolitiki batavuga rumwe na guverinoma y'u Rwanda. Ikindi aba banyapolitiki bahuriyeho, ni uko amashyaka bahagarariye ataremerwa n'amategeko y'u Rwanda.
