Muri Republika iharanira demokrasi ya Kongo, sena yahinduye umushinga w'itegeko ry'itora, ryari ryatreje imyigaragambyo yahitanye yaguyemo abantu bagera muri cumi n'abandi. Abarwanya ubutegetsi bwa Perezida Joseph Kabila bavuga ko umushinga w'ikubitoro, wari wemejwe n'icyumba cy'abadepite, wemereraga Kabila kuguma ku butegeetsi indi myaka, usubika amatora kugeza igihe ibarura ry'abaturage rirangiriye.
Umushinga wa sena, wagaragajwe uyu munsi kuwa gatanu, ukuramo iby'uko ibarura ryabanza gukorwa, kandi ukavuga ko ibijyanye no guhindura ilisiti y'abatora bigomba gukorwa hakurikije igihe ntarengwa giteganwa n'itegeko nshinga. Ubu, abagiz einteko ishinga amategeko bazagerageza guhuza imishinga yombi, mbere y'uko inyandiko ya nyuma yemezwa mu cyumweru gitaha.
Imyigaragambyo yo kurwanya uwo mushinga w'itegeko, yatangiye kuwa mbere i Kinshasa, yakwiye no mu mujyi wa Goma, ndetse no mu yindi mijyi. Umuryango wita ku burenganzira bwa muntu wavuze ko abantu 42 biciwe muri iyo myigaragambyo.
Umuvugizi wa guverinoma, Lambert Mende we avuga ko abishwe ari 12, barimo n'umupolisi. Manda ya perezida Kabila iteganijwe kurangira umwaka utaha. Itegeko nshinga kandi rimubuza kongera kwiyamamariza indi manda ya gatatu, kuko yatsinze amatora ya 2006 na 2011