Muri Syria, Abantu 53, Barahitanywe N'ikibombe
Ikinyamakuru ca reta ya Syria catangaje kw’abantu bashika 53 bishwe mu gihe abandi barenga 200 bakomeretse.
Abajejwe umutekano mu gihugu ca Syria, batwaye umuntu yaguye mu gitero ca biombe yatezwe mu mudokax
Abajejwe umutekano mu gihugu ca Syria, batwaye umuntu yaguye mu gitero ca biombe yatezwe mu mudoka
Ico kibombe cari catezwe mu mudoka hafi y’icicaro c’umugambwe Ba’ath uri ku butetetsi, ku murwa mukuru Damas hagati.
Ishirahamwe ry’abanyaSyria rihanira agateka ka zina muntu rifise icicaro I Londres mu gihugu c’Ubwongereza rivuga ko benshi mu bantu bahasize ubuzima mur’ico gitero cabaye ejo ku musi wa kane, ar’abasivile, kandi ngo n’abajejwe umutekano batari bake, barahasize ubuzima.
Ikinyamakuru ca reta ya Syria, cavuze kw’ico gitero cari igitero c’iterabwoba, catewe mu kibanza kigenderwa n’abantu benshi hafi ya quartier yitwa al-Mazraa.
Ejo ku musi wa kane kandi, abanyaSyria batavuga rumwe na reta, baragize inama I Cairo mu gihugu ca Misiri, yariko yihweza niba bakwiye kugira ibiganiro vy’amahoro na reta ya president Bashar al- Assad.
Reta ya Assad iramaze gutangaza ko yiteguriye kuganira n’abatavuga rumwe na reta, yamara ngo, ata bintu birinze gusabwa.