Perezida wa Afuganistani, Ashraf Ghani, yatangiye uruzinduko rw’iminsi ibiri Islamabad, muri Pakisitani.
Ni rwo rugendo rwe rwa mbere na mbere nk’umukuru w’igihugu mu mahanga kuva atangiye imirimo ye mu kwezi kwa cyenda gushize. Aherekejwe n’intumwa nyinshi zirimo ba ministri, abayobozi b’igisilikari, n’abashoramari.
Akigera Islamabad, Perezida Ghani yagiye gusura icyicaro gikuru cy’ingabo za Pakistani. Ababisengura bemeza ko ari ikimenyetso gikomeye cyane cy’umubano ugenda uba mwiza hagati y’ibihugu byombi, ubusanzwe bihora birebana ay’ingwe.
Afghanistani ihora irega igisilikari cya Pakistani gutera inkunga inyeshyamba z’aba-Talibani. Uruzinduko rwa Ashraf Ghani Islamabad rukurikiye urw’umugaba w’ingabo za Pakistani, nawe ukubutsembo muri Afghanistani.