Ku wa mbere, Ukwakira 20, 2014 isaha yo mu karere 11:45

Ibirimo / Kw'isi

Muri Amerika, abana bo mu mashuri mato 20 barishwe

Abanyeshuri bahungishwa ahabereye ubwicanyi muri leta ya Connecticut.Abanyeshuri bahungishwa ahabereye ubwicanyi muri leta ya Connecticut.
x
Abanyeshuri bahungishwa ahabereye ubwicanyi muri leta ya Connecticut.
Abanyeshuri bahungishwa ahabereye ubwicanyi muri leta ya Connecticut.
Abanyamerika bari mu cyunamo, nyuma y’inkuru y’incamugongo  y’iyicwa ry’abana bato bagera kuri 20 n’abantu bakuze 6 bishwe taliki ya 14 y’ukwa 12 mu 2012.

Ayo marorerwa yabereye mu mujyi wa Newtown muri leta ya Connecticut, bahitanwe n’umuntu umwe wari ufite imbunda. Ibyo byabereye ku mashuri mato, yarimo abana bari hagati y’imyaka itanu n’icumi.

Muri kiliziya aho abantu baraye mu masengesho, guverineri wa leta ya Connecticut Dannel Maloy yavuze ko ari “shitani yasuye ako karere”.

Ku ruhande rwe, perezida Barack Obama, wavuze yihanagura amarira mu maso, yagize ati, “imitima yacu yasandaye kubera iyicwa ry’abo bana”.  Ari kuri peresidensi hano I Washington, bwana Obama yavuze iryo jambo amasaha make nyuma y’uko ayo marorerwa yari amaze kuba mu mashuri mato ya Newtown. Aho ni ku bilometero 130 ujya mu majyaruguru y’umujyi wa New York.

Ababibonye bavuga ko umuntu warashe ari uwitwa Adam Lanza, w’imyaka 20 y’amavuko, yirashe na we agahita apfa. Imbunda ebyeri zirasa urufaya zabonetse hafi y’aho  uwo Adam Lanza yapfiriye. Andi makuru avuga ko uwarashe yishe nyina umubyara Nancy Lanza, ari mu nzu bari batuyemo.
uru rubuga rurafunze
Ibitekerezo
     
nta gitekerezo kiratangwa kuri uru rubuga. Ba uwa mbere kugira icyo utangaza kuri uru rubuga