Uko wahagera

Ukraine: Abigaragambya 22 Bishwe mu munsi umwe

  • Etienne Karekezi

Abigaragambya barasezera ku bishwe mu murwa mukuru Kiev wa Ukraine

Abigaragambya barasezera ku bishwe mu murwa mukuru Kiev wa Ukraine

Mu murwa mukuru wa Ukraine, KIEV, ababyiboneye bavuga ko abantu byibura 22 bishwe mu bushyamiraney hagati y’abigaragambya barwanya leta na polisi. Ibyo ni amasaha make, perezida Viktor Yanukovich atangaje agahenge n’abayobozi batavuga rumwe na leta.

Bamwe mu bishwe baba barishwe n’abashinzwe umutekano bihishe. Hagati aho, ministri w’ubutegetsi bw’igihugu wa Ukraine yatangaje ko abapolisi batatu bishwe taliki ya 20 y’ukwa kabiri mu 2014.

Uyu mubare wa nyuma w’abantu bishwe wiyongera ku bandi 28 minisiteri y’ubuzima yavuze ko bishwe mu ntangiriro z’icyumweru.

Ubu bushyamirane bukaze mu gihe ba minisitri b’ububanyi n’amahanga b’umuryango w’Uburayi babonanye na perezida Viktor Yanukovich, baganira kuri icyo kibazo.

Hari amakuru yari yatangajwe mbere, avuga ko ibyo biganiro byasubitswe kubera urugomo.
XS
SM
MD
LG