Uko wahagera

Rwanda -Ubujura Bukoresha Telefone Bureze


Urwego rw’umuvunyi ruraburira abaturage bashobora kwamburwa n’abiyita abo bataribo babizeza kubakemurira ibibazo.

Urwego rw’umuvunyi ruratangaza ko muri iki gihe ruhangayikishijwe n’ubwambuzi bushukana busigaye bukorerwa kuri telefoni zigendanwa. Uru rwego ruravuga ko hatagize igikorwa cyihutirwa abaturage bashobora kuhaburira ibyabo.

Umuvunyi mukuru Aloysia Cyanzayire ubwo yari muri Sena kuwa kane tariki 14 ukwezi kwa 1 umwaka wa 2016 yabwiye komisiyo ishinzwe imibereho myiza y’abaturage ko hatagize igikorwa ngo harwanywe ubwambuzi bushuka abaturage hari benshi bazagerwaho n’izo ngaruka.

Muri abo bashuka abaturage umuvunyi avuga ko hari abiyitirira urwego rw’umuvunyi, inzego z’inkiko biyita abacamanza, agahamagara umuturage ati ndi umucamanza kugirango urubanza rwawe ruzacibwe n’uko unyoherereza amafaranga kuri telefoni ngendanwa.

Ubu ngo hadutse n’abiyita abo mu nzego zitanga akazi baba bazi ko abantu batanze ibyangombwa bisaba akazi bakababwira gutanga amafaranga bakoresheje telefoni kugirango bazakabone.

Madamu Cyanzayire avuga ko ari ikibazo kimaze gufata intera kigomba guhagarikwa vuba na bwangu. Ku nkuru irambuye, umunyamakuru w’Ijwi ry’Amerika, Assumpta Kaboyi.

XS
SM
MD
LG