Uko wahagera

Somaliland: Gereza y’Abashimusi b’Amato

  • VOA News

Somaliland: Gereza y’Abashimusi b’Amato

Somaliland: Gereza y’Abashimusi b’Amato

Somaliland yakinguye (ni ukuvuga gutaha) ku mugaragaro gereza izajya ifungirwamo abashimusi b’amato

Somaliland yakinguye (ni ukuvuga gutaha) ku mugaragaro gereza izajya ifungirwamo abashimusi b’amato.

Iyo gereza yubwatswe n’amadolari miliyoni imwe n’igice y’Umuryango w’Abibumbye mu murwa mukuru wa Somaliland, Hargeisa. Izajya yakira ahanini abashimusi b’amato bazajya basubizwa muri Somalia n’ibihugu by’amahanga bidashaka kubagumana iwabo kandi bidashaka no kubarekura ngo basubirane umwidegembyo wabo.

Abayobozi ba Somaliland nabo banze kuzajya bakira abashimusi b’amato badakomoka muri Somalia. Muri iki gihe, gereza ya Hargeisa irimo abashimusi b’amato 70, ahanini batawe muri yombi n’inzego z’umutekano za Somaliland.

Abashimusi b’amato bo muri Somalia basarura amamiliyoni n’amamiliyoni y’amadolari mu ngurane z’amato bigarurira. Ingabo zirwanira mu mazi z’ibihugu binyuranye zohereje abasilikali mu nyanja ku nkengero za Somalia kubarwanya, nyamara na n’ubu ntibaracogora. Hari abo kandi zagiye zita muri yombi, ariko zikabarekura kubera kubura amategeko bakurikiza kugirango babacire urubanza.

Somaliland iri mu majyaruguru ya Somalia. Ihana imbibi na Ethiopia, Djibouti n’Ikigobe cya Aden. Igizwe n’intara za Awdal, Togdheer, Sanaag, Saaxil, Sool na Woqooyi Galbeed. Ifite ubuso bwa 137 600 km² (iruta u Rwanda inshuro eshanu). Ituwe n’abaturage miliyoni eshatu n’igice. Abo mu bwoko bwa Issak ni bo benshi. Andi moko ni Gadaboursi, Issas na Darod. Hargeisa, umurwa mukuru, ituwe n’abantu ibihumbi magana ane (400 000).

Ku italiki ya 18 y’ukwa gatanu mu 1991, Somaliland yatangaje ko ibaye igihugu kigenga, ariko nta gihugu na kimwe cy’amahanga kiremera ubwo bwigenge. Nyamara Somaliland si nka Somalia. Yo ifite iterambere, umutekano, amahoro, na demokarasi. Abayobozi baho bitorerwa na rubanda, umurage mwiza yasigiwe n’Abongereza bayikolonije.

XS
SM
MD
LG