Uko wahagera

Imurikamafoto Ryakozwe n’Abana b’Impfubyi Rwanda


Umunyarwandakazi ku murimo

Umunyarwandakazi ku murimo

Ambasade ya Leta Zunze Ubumwe z’Amerika i Kigali, yateguye imurikagurisha ry’amafoto y’abana b’impfubyi 19 bo mu Rwanda, agaragaza muri rusange ubuzima bw’abanyarwanda n’imiterere y’u Rwanda

Ambasade ya Leta Zunze Ubumwe z’Amerika i Kigali, yateguye imurikamafoto ryakozwe n’abana b’impfubyi bo mu Rwanda. Ayo mafoto yafashwe hirya no hino mu Rwanda, n’abana b’impfubyi 19 baba mu kigo cy’impfubyi cy’Imbabazi, mu karere ka Rubavu, mu ntara y’iburengerazuba, niyo yamuritswe. Ayo mafoto agaragaza muri rusange ubuzima bw’abanyarwanda n’imiterere y’u Rwanda.

Umuziranenge, Odlile, ni umwe mu bana bamuritse amafoto. Yatangarije Ijwi ry’Amerika ko amafoto ye yibanda cyane ku munyarwandakazi. Aho agaragaza imiruho ahura nayo buri munsi kugira ngo abashe guteza urugo imbere.

Hakizimana Gadi we yadutangarije kobizeye ko nyuma yo kumurika amafoto yabo bazabona abantu bayagurishaho hirya no hino ku isi. Bizabafasha gukomeza kuriha amashuri.

Madamu Jenifer Howard umunyamerikakazi ufasha abo bana abaha ibikoresho bifashisha mu gufata amafoto yamuritswe, yadutangarije ko hashize imyaka 10 batoza abo bana gufotora. Ndetse amafoto yabo akaba amaze kumurikwa hirya no hino ku isi, nko muri Amerika, Canada, u Bufaransa, ndetse na Suede. Yongeyeho ko aho amafoto yabo bana yamuritswe hose bagiye bayashima.

Umwe mu bitabiriye iryo murikamafoto, Madamu Mukakayange Ancille, yadutangarije ko yatangajwe n’ibintu abo bana bibandaho iyo bafotora. Asanga nibakomeza bashobora kuzavamo abafotozi b’umwuga.

Abo bana basanzwe biga ibintu bitandukanye, bizeye ko nibarangiza nti babone akazi, bazishakira imirimo, mu gushinga za studiyo zifotora.

XS
SM
MD
LG