Uko wahagera

Ivugururwa ry’Itegeko ry’Itangazamakuru mu Rwanda


Ivugururwa ry’Itegeko ry’Itangazamakuru mu Rwanda

Ivugururwa ry’Itegeko ry’Itangazamakuru mu Rwanda

Minisitiri Protais Musoni yatangaje ko kuvugurura itegeko ry’itangazamakuru bizotuma itangazamakuru mu Rwanda rirushaho kugira ubwisanzure.

Abadepite bo mu Rwanda bemeje ishingiro ry’umushinga uvugurura itegeko ry’itangazamakuru mu Rwanda. Mu ivugururwa ingingo 25 zavanywemo, hinjiramo ingingo imwe nshashya, naho ingingo 7 ziravugururwa. Impamvu yo kuvugurura iri tegeko, minisitiri Protais Musoni yatangaje ko ari ukugira ngo itangazamakuru rirusheho kugira ubwisanzure.

Igishya mu mushinga w’iri tegeko, n’uko inama nkuru y’itangazamakuru yambuwe ububasha bwose yahabwaga n’itegeko ry’itangazamakuru, ryo mu kwezi kwa 8 mu mwaka wa 2009. Cyakora, igihe ryatangazwaga, abanyamakuru benshi bo mu Rwanda bagaragaje ko bataryishimiye na gato.

Mu bubasha bwambuwe inama nkuru y’itangazamakuru, harimo ububasha bwo guhagarika by’agateganyo igitangazamakuru. Ingingo ya 84 yashingiragaho yavanywe mu itegeko. Iyo ngingo yuzuzaga iya 83 yerekanaga ibyaha bikomeye bikorwa mu itangazamakuru. Iya 83 yavuguruwe, imenyesha ko bitari ngombwa ko ikinyamakuru gihagarikwa by’agateganyo, ahubwo hazajya hifashishwa ibihano bisanzwe biteganywa n’amategeko ahana. Mw’itegeko ry’itangazamakuru ryavuguruwe, hanagiyemo itegeko rya mbere mu Rwanda, rijyanye no guhabwa amakuru. Iri tegeko rigaragaza ko mu gihe umunyamakuru acyeneye amakuru, uwo ayasabye adakwiye kurenza iminsi ibiri ntacyo aramutangariza.

Nyuma yo kwemeza ishingiro ry’iyi mishinga, igiye gusuzumwa muri komisiyo politiki y’umutwe w’abadepite. Ni barangiza bazawugarura mu nteko rusange y’abadepite, nabo bawushyikirize umutwe wa sena. Ni bawemeza uzashyikirizwa umukuru w’igihugu, nyuma utangazwe mu igazeti ya Leta, ube amategeko, nyuma atangire gukurikizwa.

XS
SM
MD
LG