Uko wahagera

USA: Umupolisi Darren Wilson Yasezeye ku Mirimo ye.


Imyigaragambyo i Harlem mu mujyi wa New York

Imyigaragambyo i Harlem mu mujyi wa New York

Mu mujyi wa Ferguson umupolisi w’umuzungu Darren Wilson wishe umusore w’umwirabura yasezeye ku mirimo ye.

Darren Wilson kuwa gatandatu taliki 29 Ugushyingo 2014 yavuze ko asezeye mu gipolisi I Ferguson. Wilson yari yahagaritse imirimo ye kuva arashe Michael Brown wari ufite umyaka 18 mu kwezi kwa munani I St. Louis mu mujyi wa Ferguson.

Umuyobozi w’uwo mujyi, James Knowles yabwiye abanyamakuru ko yaba we cyangwa umukuru wa polisi, nta wasabye Wilson gusezera ku mirimo ye. Knowles yongeyeho ko Wilson nta mperekeza azahabwa. Yavuze kandi ko abayozoi b’umujyi barimo gukora ibishobora byose kugirango basane ibyangijwe n’imyigaragambyo n’ubusahuzi bwakurikiye icyemezo cyafashwe cyo kudakurikirana mu rukiko Wilson wishe Brown.

Knowles yavuze ko abayobozi barimo gushakisha uburyo bakworoshya agahinda k’abatuye I Ferguson kandi ko hazongerwa ibikorwa byo kurushaho kwinjiza abirabura mu gipolisi.

Umukuru wa polisi y'umujyi wa Ferguson, Tom Jackson, yavuze ko atazasezera ku mirimo ye.

XS
SM
MD
LG