Uko wahagera

Misiri: Barasaba ko Morsi Yasubizwa Ubutegetsi


Abayoboke ba Morsi mu myigaragambyo

Abayoboke ba Morsi mu myigaragambyo

Mu Misiri, ibihumbi by’abaturage bikirije intero y’ishyaka rya Muslim Brotherhood, birara mu mihanda yo mu murwa mukuru Kayiro uyu munsi. Barasaba ko perezida Mohamed Morsi yasubizwa ku butegetsi.

Abashyigikiye Morsi bateraniye hafi y’umusigiti witwa Rabia el-Adawiya mu gace ka Nasr, naho abandi bagenzi babo bakoze urugendo hafi ya kaminuza y’I Kayiro.
Abarwanya Mohamed Morsi bo bateganije imyigaragambyo mu rubuga rwa Tahrir, bizamura impungenge z’uko izo mpande zombi zirebana ay’ingwe zishobora gusakirana. Indi myigaragambyo n’ingendo byakozwe mu yindi mijyi ikomeye yo mu gihugu.

Ubuyobozi bw’ingabo za Misiri bwaburiye ko butazihanganira na gato, urugomo urwarirwo rwose, ku buryo bwohereje za burende n’abasilikari mu bice binyuranye bw’umujyi. Mu turere tumwe na tumwe, abasilkari bakoresheje za bariyeri za senyenge ngo bakumire abigaragambya.
XS
SM
MD
LG