Uko wahagera

Jenoside: Rwabukombe Yakatiwe Imyaka 14 mu Budage

  • Etienne Karekezi

Rwabukombe Onesphore ategereje kuburana

Rwabukombe Onesphore ategereje kuburana

Urukiko rwo mu Budage taliki ya 18 y'ukwa kabiri mu 2014 rwahamije icyaha cya jenoside umunyarwanda Onesphore Rwabukombe, rumukatira gufungwa imyaka 14 .

Urwo rukiko rwo mu mujyi wa Fankfurt rwasanze Rwabukombe, wahoze ari burugumesitiri wa komini Muvumba, mu cyahoze ari perefegitura ya Byumba, ahamwa n’icyaha cyo gutegeka abantu kwica abatutsi 400 bari bahungiye muri kiliziya ya Kiziguro.

Rwabukombe, ufite imyaka 56, yari yaratse ubuhungiro mu karere ka Frankfurt mu mwaka wa 2002. Yatawe muri yombi mu mwaka wa 2010, biturutse kuri manda mpuzamahanga yo kumufata yari yatanzwe n’u Rwanda. Cyokora, Ubudage ntibwamwohereje mu Rwanda, buvuga ko atahabona ubutabera busesuye.

Uru rubanza ni rwo rwa mbere ruciwe mu Budage kuri jenoside yakorewe mu Rwanda.
XS
SM
MD
LG