Uko wahagera

Minisitiri w'Umuco Yeguye mu Rwanda


Minisitiri w'Umuco Yeguye mu Rwanda

Minisitiri w'Umuco Yeguye mu Rwanda

Bwana Habineza abaye minisitiri wa mbere uvuye muri guverinoma nyuma y’aho Perezida Kagame yongeye gutorerwa agakomeza ikipe yose bakoranye muri manda ishize.

Minisitiri w’umuco na siporo mu Rwanda Yozefu Habineza yeguye taliki ya 15 y’ukwa kabiri mu buryo butunguranye. Itangazo ryatambutse kuri radiyo y’igihugu, ryamenyeshaga ko Perezida w’u Rwanda yakiriye ukwegura kwa minisitiri Yozefu Habineza. Cyokora, impamvu nyakuri y’ukwegura kwe ntiyahise itangazwa.

Bwana Habineza abaye minisitiri wa mbere uvuye muri guverinoma nyuma y’aho Perezida Kagame yongeye gutorwa agakomeza ikipi yose bakoranye muri manda ishize, uretse minisitiri Nyatanyi Christine utarasubiyemo ku mpamvu zitatangajwe.

Muri iyi minsi mike ishize, hari amafoto amaze iminsi atangazwa ku mbuga za interinete agaragaza uwo ministri ari kumwe n’inkumi. Mu kiganiro yagiranye n’abanyamakuru, umunsi umwe nyuma yo kwegura, bwana Habineza yasobanuye ko amafoto yatangajwe atatuma aguma ku mwanya wa ministri.

Mu Rwanda, hari tegeko rigenga uko abayobozi bagomba kwitwara ryasohotse mu mwaka wa 2008. Mu ngingo yaryo ya 9, iryo tegeko rivuga ibyo umuyobozi abujijwe birimo kugira imyitwarire yose yamutesha agaciro. Bwana Habineza ashobora kuba ari we ubaye umuyobozi mukuru wa mbere weguye kubera iyo ngingo y’imyitwarire.

XS
SM
MD
LG