Uko wahagera

Norvege: Malala Yousafzai Yatsindiye Igihembo Nobel cy'Amahoro


Umokobwa wo muri Pakistani Malala Yousafzai, witangiye uburenganzira bw’abana, hamwe n’ umuhinde Kailash Satyarthi, batsindiye igihembo cy’amahoro cyitiriwe Nobel.

Malala na Satyarthi bazagabana igihembo cya miliyoni 1 n’ibihumbi ijana, by’amadolari, kizatangwa ku mugaragaro ku italiki ya 10 y’ukwezi kwa 12.

Ku myaka y’amavuko 17 gusa, Malala, yinjiye mu mateka nk’umuntu muto kw’isi, ubonye igihembo cy’amahoro cyitiriwe Nobel, mu gihe Satyarthi, abaye umuntu wa mbere uvuka mu Buhinde, utsindiye icyo gihembo.

Malala yarashwe mu mutwe n’abatalibani, ari muri busi yari umukuye ku ishuri mu mwaka w’2012. Yiyemeje mu buzima bwe guteza imbere uburenganzira bw’abakobwa ku bijyanye n’amashuri.

Satyarthi, hagati aho, amaze imyaka irenga 30, ari ku isonga muri muryango ugamije kubohoza abana bakoreshwa mu bucakara.

Ubwo yatangazaga icyo gihembo kuri kuyu wa gatanu, muri Norvege, komite ishinzwe igihembo cyitiriwe Nobel, yavuze ko Malala na Satyarthi, bagiherewe hamwe, kubera ko baharaniye guca ikandamizwa ry’abana n’irikorerwa abantu bakiri bato, kandi bakaba baraharaniye uburengazira bw’abana bose bwo kujya mu mashuri.

XS
SM
MD
LG