Uko wahagera

Abize Kaminuza nkuru y'u Rwanda bizihije Imyaka 50

  • Etienne Karekezi

Rwanda Salus Motto

Rwanda Salus Motto

Kaminuza nkuru y’u Rwanda yujuje imyaka 50 taliki ya gatatu y’ukwa 11 umwaka wa 2013. Kaminuza nkuru y’u Rwanda yatangiye taliki ya gatatu y’ukwezi kwa 11 mu mwaka w’1963, ifite abanyeshuri 49 gusa, bagabanije mu mashami atatu.

Kaminuza nkuru y’u Rwanda yujuje imyaka 50 igihugu kimaze kuvugurura uburezi muri kaminuza no mu mashuri makuru ya leta. Ubu iyo kaminuza kimwe n’amashuri makuru yahurijwe muri kaminuza imwe rukumbi yitwa “Kaminuza y’u Rwanda” ihuriweho n’ibigo bitandatu byubatse mu duce dutandukanye tw’igihugu.

Mu Rwanda, nta birori cyangwa se ibindi bikorwa byabaye byo kwizihiza isabukugu y’imyaka 50 kaminuza nkuru y’u Rwanda imaze ishinzwe. Cyokora, bamwe mu banyarwanda bize muri kaminuza nkuru y’u Rwanda baba mu Burayi bizihije iyo sabukuru muri kaminuza “Universite Catholique de Louvain. Abatuye mu gihugu cya Canada, ari na ho uwabaye umuyobozi wa mbere wa Kaminuza nkuru y’u Rwanda Padiri Georges-Henri Levesque yakomakaga, bizihirije iyo sabukuru mu murwa mukuru wa Canada, Ottawa.

Mu kiganiro “Mulisanga kw’Ijwi ry’Amerika” cyahise taliki ya gatandatu y’ukwa 11 umwaka wa 2013, umunyamakuru Etienne Karekezi, na we warangije Kaminuza nkuru y’u Rwanda, yaganiye na bamwe mu bateguye iyo sabukuru.

XS
SM
MD
LG