Uko wahagera

Sudani y’Epfo: Abarwanya Ubutegetsi Basubiye i Juba


Abarwanya ubutegetsi bwa Sudani y’Epfo bashyize basubira mu murwa mukuru Juba nyuma y’imyaka irenga ibiri y’intambara.

Ni intambwe ikomeye mu gushyira mu bikorwa amasezerano y’amahoro yasinywe mu kwezi kwa munani umwaka ushize wa 2015. Cyakora imirwano idahagarara yatumye benshi bibaza niba ukuza kw’abarwanya ubutegetsi bizageza igihugu ku mahoro cyangwa kirushaho kubona urugomo.

Abarwanya ubutegetsi bwa Sudani y’Epfo bahunze mu myaka irenga ibiri ishize kubera amasasu, ubwo intambara yari itangiye. Amezi umunani yemejwe, basubiyeyo.

Kugeza ubu, abasilikare 1,300 b’umutwe SPLA batavuga rumwe n’ubutegetsi, bamaze kugera mu murwa mukuru Juba. Uwa kabiri mu buyobozi bw’ingabo z’abarwanya ubutegetsi, Alfred Lado Gore, nawe yageze mu mujyi kuwa kabiri taliki 12 ukwezi kwa 4 umwaka wa 2016.

Abarwanya ubutegetsi bayobowe na Riek Machar, byitezwe ko azagera mu murwa mukuru Juba, kuwa mbere taliki 18 ukwezi kwa 4 umwaka wa 2016; kugirango abe Visi perezida wa Perezida Salva Kiir.

Abantu ibihumbi n’ibihumbi baguye mu ntambara ya Sudani y’Epfo hagati y’ingabo zishyigikiye Kiir n’iza Machar, ariko Gore yavuze ko bidashoboka guhagarika amahoro agiye kuza. N’ubwo Gore avuga amahoro i Juba, imirwano irakomeje ahandi mu gihugu.

Leta zunze ubumwe z’Amerika, yamaganye ibitero bya guverinema muri leta ya Bahr el Ghazal iri mu burengerazuba bwa Sudani y’Epfo.

Umuvugizi wa deparitema ya leta Mark Toner yavuze ko yabonye amakuru avuga ko abarwanya ubutegetsi bagabye ibitero ku basilikare no ku basivili.

Abarwanya ubutegetsi bavuga ko kw’italiki 12 y’ukwezi kwa 4 umwaka wa 2016, abakozi ba guverinema bataye muri yombi kandi bakubita abatavuga rumwe n’ubutegetsi 16 mbere y’uko Gore agera i Juba. Avuga ko abanyasudani y’epfo bakwiye kubasha gukora ibiterane no kuvuga icyo batakereza.

Uhagarariye guverinema ya Sudani y’Epfo, Akol Paul, yirinze kwemeza iryo tabwa muri yombi, cyakora yashimangiye ko ibintu birimo kurushaho kugenda neza.

Yagize ati: “Intambara imaze imyaka ibiri, habaye ibibazo byinshi. Amahoro afite icyerekezo. Icyo nshaka kubemerera n’uko ubu ibintu bimeze neza kurusha ejo hashize kandi ejo hazaza, bizaba birushije uyu munsi kuba byiza”.

Abanyasudani y’Epfo bizeye ko ibyo avuga byaba impamo.

XS
SM
MD
LG