Uko wahagera

Kote Divuwari Iracyari mu Cyunamo


Muri Kote divuwari, umurambo w’umuntu wa 19 waguye mu gitero cy’iterabwoba cya Grand Bassam cyo ku cyumweru waraye ugaruwe ku musenyi n’amazi y’inyanja. Guverinoma yaraye ikoreye inama yayo idasanzwe i Grand Bassam.

Inama irangiye, umuvugizi wa guverinoma, Bruno Koné, yatangaje ko abishwe bakomoka mu bihugu bitandukanye: Kote divuwari: 11, Ubufaransa: bane, Umudage umwe, Nijeriya: umwe, Masedoniya: umwe, na Libani: umwe. Yavuze ko biteze kuba babona indi mirambo y’abantu bashobora kuba bariciwe ku musenyi ku nyanja, imirambo ikajya mu mazi.

Al-Qaida mu karere ka Maghreb, AQMI, ni yo yatangaje ko yagabye igitero cya Grand Bassam. Ingabo za Cote d’Ivoire zishe abakigabye bose uko ari batatu. Abasilikali batatu ba Kote divuwari nabo barabarirwa mu benegihugu baguye mu gitero.

XS
SM
MD
LG