Uko wahagera

Guhangana Hagati ya Irani na Arabiya Sawudite


Icyuka kibi kirakomeje mu mibanire hagati ya Irani na Arabiya Sawudite. Kuri uyu wa kane leta ya Irani yaciye ibicuruzwa byose byinjira mu gihugu bivuye muri Arabiya Sawudite.

Irani kandi iranashinja Arabiya Sawudite kugaba ibitero kuri ambassade yayo iri I Sanna umurwa mukuru wa Yemeni. Umuvugizi wa minisiteri y’ububanyi n’amahanga ya Irani Hossein Jaber Ansari yavuze ko kugaba ibitero kuri ambasade yabo biciye ukubiri n’amasezerano mpuzamahanga arinda z’amabasade.

Arabiya Sawudite imaze igihe igaba ibitero by’indege muri Yemeni bigamije gufasha ingabo za leta zihanganye n’inyeshyamba za ba Houthi babashi’ite. Kugeza ubu ntacyo Arabiya Sawudite irasubiza kuri ibyo birego bya Iran.

Kuri uyu wa kane kandi Iran yatanze amabwiriza abuza abanyayirani gukora ingendo mu mujyi mutagatifu wa Mecca. Ibi byose bibaye nyuma yuko Arabiya Sawudite ifatiye icyemezo cyo guhagarika umubano na Irani mu cyumweru gishize, nyuma y’ubushyamirane bwatewe n’iyicwa ry’umuyobozi w’abashia, Sheikh Nimr al-Nimr.

Sheikh Nimr al-Nimr yicanywe n’abantu 46 baciwe imitwe. Iyicwa rya Sheikh Nimr al-Nimr ryababaje abatuye Irani, maze batwika ibiro bya ambasade ya Arabiya Sawudite.

XS
SM
MD
LG