Uko wahagera

Gukoresha Interineti na Telefoni Zigendanwa Biriyongera Cyane

  • Etienne Karekezi

Insinga zabugenewe zinyura mu butaka no mu nsi y'amazi zituma itumanaho kuri interineti rishoboka.

Insinga zabugenewe zinyura mu butaka no mu nsi y'amazi zituma itumanaho kuri interineti rishoboka.

Ikigo cya ONU gishinzwe itumanaho kw'isi International Telecommunication Union (ITU) kivuga ko gukoresha ubuhanga bwa interineti bikomeje kwiyongera kw’isi.

Icyo kigo gitangaza ko hafi miliyari eshatu bazaba bakoresha interineti mu mpera z’uyu mwaka. Bibiri bya gatatu by’abo bantu ni abazaba batuye mu bihugu bikiri mu nzira y’amajyambere.

Mw’itangazo icyo kigo cyatangaje taliki ya kane y’ukwa kane mu mwaka wa 2014, cyavuze ko umubare w’abantu bafite telefoni zigendenwa wo uzaba wariyongereye birengeje, ugeze hafi miliyari indwi mu mpera z’umwaka wa 2014.

Ubwo kandi ni ko umubare w’abantu batunze telefoni zo mu nzu zitagendanwa ukomeza kugabanuka. Ikigo cya ONU giteganya ko umwaka wa 2014 uzarangira hari telefoni zo mu nzu zigera kuri miliyoni 100 zagabanutse ku mubare wariho mu mwaka wa 2009.

Ikigo cya ONU kivuga ko akarere ka Aziya gaturiye inyanja ya Pacifika ari ko kiyongeramo cyane ikoreshwa rya telefoni zigendanwa.
XS
SM
MD
LG