Uko wahagera

Imikino Olimpike ya Sochi mu Burusiya Yatangiye


Imikino olimpike yo mu gihe cy'ubukonje mu Burusiya

Imikino olimpike yo mu gihe cy'ubukonje mu Burusiya

Imihango yo gutangiza imikino Olympike yabaye taliki ya karindwi y'ukwa kabiri mu mwaka wa 2014 mu mujyi wa Sochi mu Burusiya.

Abakuru b'ibihugu n'abayobozi bo kw'isi barenga 40 bari muri uwo mujyi uri ku nyanja y'umukara. Muri abo harimo perezida w'uburusiya Vladimir Putin n'umunyamabanga mukuru wa ONU Ban Ki-moon. Perezida wa Leta zunze ubumwe z'Amerika n'abayobozi b'umuryango w'ubumwe bw'Uburayi ntibitabiriye iyo mikino. Uburusiya bwakomeje kunengwa kubera itegeko ryabwo rirwanya abantu bakundana n'abo bahuje igitsina.

Abakinnyi bakomoka mu bihugu 88 nibo bazarushanwa muri iyo mikino. Umutekano wari ukaze mu gihe cy'imihango yo gutangiza iyo mikino, kuko abategetsi bakomeje kwikanga ibitero by'iterabwoba. Umutekano kandi wari wakajijwe mu nkengero za perezidensi y'Uburusiya "Klemlin", mu rwego rwo kwitegura imyigaragambyo y'abarwanya iyo mikino.

Gusa, Perezida wa Komite mpuzamahanga Olympike Thomas Bach yavuze ko nta mpamvu yatuma imikino ya Sochi ari yo yonyine yaba ifite ikibazo cy'umutekano. Yasobanuye ko ibitero by'iterabwoba byanavuzwe ku yindi mikino Olympike, harimo iya Syney muri Australiya muri 2000, Salt Lake City muri Amerika muri 2002 na Athenes mu Bugereki mu mwaka wa 2004.
XS
SM
MD
LG