Uko wahagera

Ukraine: Putin Yahamagaye Obama ngo Bashake Umwanzuro


Perezida w’Uburusiya Vladimir Putin yahamagaye perezida w’Amerika Barack Obama taliki ya 28 y’ukw agatatu mu 2014, baganira ku cyifuzo Amerika yatanze cyo gukemura ibibazo byo muri Ukraine.

Perezidensi y’Amerika ivuga ko bwana Obama yasabye Putin gutanga igisubizo cyanditse ku mwanzuro wa diplomasi sekreteri wa leta w’Amerika John Kerry yagejeje kuri ministri w’ububanyi n’amahanga Sergei Lavrov mu ntangiriro z’icyumweru.

Itangazo rya peresidensi y’Amerika rivuga kuri icyo kiganiro cya telefoni ntirisobanura ibyo Kerry yashyikirije Lavrov. Gusa, Amerika imaze igihe yumvisha Uburusiya ko bugomba gukura ingabo zabwo mu bigo cya gisilikari bya Ukraine yigaruriye, no kwemera ko abagenzuzi mpuzamahanga bajya muri Crimea, kureba niba abarusiya bahatuye bafite ituze.

Bwana Sergei Lavrov na bwana John Kerry bitezwe kongera kubonana mu minsi mike iri imbere, kugirango baganire ku bindi byakorwa.
XS
SM
MD
LG