Uko wahagera

Ishingwa ry’Ishirahamwe Rigwanya Ibiturire Muri Afrika


Inama y’ibihugu mirongo itatu na bitanu vya Afrika yabereye i Bujumbura, yemeje, ishingwa ry’ishirahamwe rya Afrika rigizwe n’inzego z’ibihugu bizogwanya ibiturire muri Afrika

Inama y’ibihugu mirongo itatu na bitanu yariko ibera i Bujumbura, yaraye yemeje kur’uyu wa kabiri, igenekerezo rya 21ukwezi kwa gatandatu, ishigwa ry’ishirahamwe rya Afrika. Rigizwe n’inzego z’ibihugu zizogwanya ibiturire muri Afrika. Iryo shirahamwe riri mu ntumbero yo kugwaniriza hamwe ako kageso kabi.

Mw’itangazo risozera ibikorwa vy’iyo nama yamaze imisi ibiri, ryasomwe n’umuhuza w’abanyarwanda, Tite Rutaremara, mu rurimi rw’icongereza, abitavye ibikorwa biyemeje ko bashinze ishirahamwe rya Afrika rigizwe y’inzego zigwanya ibiturire. Abantu indwi baturuka mu turere dutanu twa Afrika :Uburaruko,ubumanuko,uburengero ubuseruko no hagati bagenywe kugira bategure amategeko agenga iryo shirahamwe. Uwo mugwi wahawe amezi atatu kugira uzobe warangije igikorwa,ayo mategeko akazokwemezwa mu kwezi kwa cumi na rimwe muri Nigeria. Ibiro vy’umunyamabanga vyashizwe i Bujumbura mu kiringo mfatakibanza.

Umushikiranganji w’intwaro ibere Jean Baptiste Gahimbara avuga ko Uburundi bugiye kuronka inguvu nynshi mu kugwanya ibiturire.

Itanganzo risozera inama ritegeka amareta gukorana muri vyose ; guhanahana amakuru, gusangira inyigisho, gukurikirana abarya ibiturire tubibagiye gufashanya mu kugarukana amafaranga yatwawe biciye mu kurya ibiturire. Ku bw’umukuru w’ishirahamwe ryigenga rigwanya ibiturire OLUCOME ngo nti vyoroshe kwizera ko inzego zigenwa n’abategetsi zigwanya neza ibiturire.

Comiseri Leonidas Habonimana atwara igiporisi kijejwe kugwanya ibiturire ari nawe agiye kuba umnyamabanga nshingwa bikorwa avuga ko ishirahamwe bashinze rifise inguvu nynshi.

Iyo nama y”Abanyafrika ishize Ishirahamwe ryo kugwaniriza hamwe ibiturire yisunga ingingo zo mu masezerano y’ishirahamwe ry’Ubumwe bwa Afrika. Ibanki y’iteramber rya Afrika BAD niyo yatanze amafaranga. Ibanki y’isi yose yari mu bakurikiranira hafi ibikorwa.

XS
SM
MD
LG