Uko wahagera

Boutros-Ghali na Jenoside yo mu Rwanda


Perezida Bill Clinton na Boutros Boutros-Ghali muri Perezidansi y'Amerika i Washington (tariki ya 23/02/1993)

Perezida Bill Clinton na Boutros Boutros-Ghali muri Perezidansi y'Amerika i Washington (tariki ya 23/02/1993)

Boutros Boutros-Ghali yitabye Imana, yari afite imyaka 93 y’amavuko irengaho gato. Boutros Boutros-Ghali akomoka mu gihugu cya Misiri. Yabaye Umunyamabanga mukuru w’Umuryango w’Abibumbye wa mbere ukomoka muri Afurika kuva mu 1992 kugera mu 1996.

Muri iyo myaka itanu, yagiranye ibibazo cyane na Leta zunze ubumwe z’Amerika, yaje kumutambamira ntiyatorerwa manda ya kabiri. Boutros-Ghali ni we Munyamabanga mukuru wa ONU wenyine wayitegetse manda imwe. Abandi bose uko ari barindwi bategetse manda ebyiri-ebyiri.

Abamunenga imikorere ye bavuga ko yananiwe gukumira cyangwa guhagarika jenoside yo mu 1994 mu Rwanda. We yavugaga ko yakoze uko ashoboye kose kugirango amahanga atabare u Rwanda ariko aramunanira. Yavugaga ko Leta zunze ubumwe z’Amerika, Ubwongereza, Ubufaransa, n’Ububiligi ari bo bagagaje ibikorwa bya ONU mu Rwanda.

Umwe mu banze ko ONU yohereza ingabo zo guhagarika jenoside mu Rwanda ni Perezida wa Leta zunze ubumwe z’Amerika w’icyo gihe, Bill Clinton. Nyuma yaje kuvuga ko yicuza iki cyemezo.

XS
SM
MD
LG