Uko wahagera

Amerika yafatiye u Rwanda ibihano


Ingabo z'umutwe M23 mu burasirazuba bwa Repubulika Iharanira Demokarasi ya Kongo.

Ingabo z'umutwe M23 mu burasirazuba bwa Repubulika Iharanira Demokarasi ya Kongo.

Guverinoma y’u Rwanda iravuga ko yatangajwe n’icyemezo cya leta zunze ubumwe z’Amerika gihagarika imfashanyo zimwe na zimwe za gisilikali, kubera ibirego byo gushyigikira umutwe w’inyeshyamba M23 ukoresha abana mu gisilikali.

Itangazo ryashizwe ahagaragara na ministeri y’ingabo y’u Rwanda rivuga ko bitangaje kubona u Rwanda rufatirwa ibihano kubera bikorwa bidakorerwa ku butaka bw’u Rwanda.

Mu kiganiro n’abanyamakuru b’abanyafurika, Linda Thomas-Greenfield, wungirije ministiri w’ububanyi n’amahanga mu biro bishinzwe Afurika, yavuze ko M23 itigeze ihagarika gushimuta abana benshi ku butaka bw’u Rwanda ibajyana mu gisilikali cyayo.

U Rwanda rukomeje guhakana ko ntaho ruhuriye na M23.
Thomas Greenfield yasobanuye ko ibihano Amerika yafatiye u Rwanda bishingiye ku itegeko rirwanya gukoresha abana mu gisilikali, ryashizweho umukono na President George w. Bush mu 2008.

Ibindi bihugu bine aribyo Centre Afrique, Sudani, Syria na Myamar nabyo byafatiwe ibihano.
XS
SM
MD
LG