Uko wahagera

Nigeria: Obasanjo ngo Yegure - 2003-04-23


Amashyaka atavuga rumwe n'ubutegetsi bwa Perezida Olusegun Obasanjo yaraye amusabye kwegura nyuma y'umunsi umwe gusa komisiyo y'amatora muri icyo gihugu ivuze ko ari we watsinze amatora ya perezida.

Ku wa 3 amashyaka 29 atavuga rumwe na Perezida Obasanjo yavuze ko azakora akantu tariki 29 z'ukwezi gutaha nizigera Perezida Obasanjo ataregura, ngo habe andi matora.

Imibare yanyuma yavuye mu matora aheruka yerekana ko Obasanjo yagize amajwi 61%, Muhammadu Buhari bahanganye akagira 32%. Gusa mu mashyaka atavuga rumwe n'ubutegetsi, kimwe n'indorerezi mpuzamahanga nyinshi, bemeje ko mu ntara nyinshi za Nigeria habaye ubujura bugaragara mu matora. Ayo mashyaka avuga ko azaregera inkiko.

Ibyo nyamara ntibyabujije Perezida Thabo Mbeki w'Afurika y'Epfo, ari na we uyoboye umuryango Afurika Yibumbye muri iki gihe, gushima Perezida Obasanjo kubera ko ngo yatsindiye kuyobora igihugu cye indi nshuro ya kabiri.

Umukuru wa komisiyo y'amatora yo muri Nigeria na we yemeza ko amatora ngo yagenze neza. Perezida Obasanjo na we yasabye abatavuga rumwe na we gutsindwa kigabo.



Shakira izindi nkuru z'Afurika hano.
Saba amakuru muri email yawe hano.

XS
SM
MD
LG