Uko wahagera

Mozambique: Umuhungu wa Perezida Aracyatungwa Agatoki - 2002-11-26


Muri Mozambique umuhungu mukuru wa Perezida Chissano yaraye yongeye gushinjwa ubwicanyi.

Ku wa mbere uwitwa Carlitos Rachide, umwe mu bashinjwa iyicwa ry’umunyamakuru Carlos Cardoso mu kwezi kwa 11 mu mwaka w’ibihumbi 2, yabwiye urukiko rw’i Maputo ko yari guhembwa inzu n’ibihumbi 30 by’amadolari amaze kwica uwo munyamakuru.

Carlitos yavuze ko ngo undi mugenzi we bashinjanywa urupfu rw’uwo munyamakuru ngo yari yamubwiye ko amafaranga yari gutangwa na Nyimpine Chissano, umuhungu mukuru wa Perezida Joaquim Chissano.

Nyimpine Chissano kandi ngo yanashakaga no kwicisha umuyobozi mukuru w’ibiro bya gasutamo muri Mozambique, Pedro Bule.

Umunyamakuru Carlos Cardoso yarasiwe i Maputo yarimo akora anketi ku inyerezwa rya miriyoni 14 z’amadolari y’imwe mu mabanki y’ubucuruzi yo muri Mozambique. Kugeza ubu abantu 6 bamaze gushinjwa urupfu rwe.

Perezida Chissano avuga ko ashaka ubutabera n’ubwo umuhungu we na we atungwa agatoki.




Shakira izindi nkuru z'Afurika hano

XS
SM
MD
LG