Uko wahagera

Intambara Yugarije Afurika yo Hagati - 2002-10-19


Ishami ry’Umuryango w’Abibumbye ryita ku mpunzi, HCR, rivuga ko imirwano yo muri Congo imaze gutuma ibibazo by’impunzi byiyongera muri ako karere.

HCR ivuga ko abantu basaga ibihumbi 11 bahungiye muri Tanzania, baturutse mu Burundi kubera imirwano hagati ya guverinoma y’Uburundi n’Abahutu bayirwanya.

Umuvugizi wa HCR avuga ko izo mpunzi, ziganjemo cyane cyane abagore n’abana, zitameze neza. Abenshi muri bo ngo ubu baba ahantu batabona uko bisanzura kubera ubwinshi bw’abahari.

Uko abo Barundi bahunga Uburundi, ni ko n’Abanyecongo na bo barimo guhungira mu burengerazuba bw’Uburundi kubera imirwano hagati y’umutwe RCD urwanya ubutegetsi bw’i Kinshasa, n’Aba Mai Mai.

Ku wa kane Perezida Thabo Mbeki wo muri Afurika y’Epfo yabonanye n’abategetsi ba Congo. Hari n’amakuru avuga ko Thabo Mbeki yanabonanye n’intumwa za RCD.

Ku wa 5 RCD yatangaje ko izatera Uvira guverinoma y’i Kinshasa nitarekura uwo mugi mu masaha 48.

RCD imaze iminsi irwanira umugi wa Uvira n’Aba Mai Mai. Ku cyumweru Abo Ba Mai Mai bigaruriye Uvira. RCD ishinja guverinoma y’i Kinshasa kuba ngo ibashyigikiye. Guverinoma yo ariko irabihakana.

Ibiro ntaramakuru by’Umuryango w’Abibumbye bivuga ko Perezida w’iyo nama, Umunyacameroun Martin Belinga Eboutu, ku wa kane yasabye abo Bahutu kwirinda kugira icyo bakora cyahungabanya umutekano n’umutozo mu burasirazuba bwa Repuburika Iharanira Demokarasi ya Congo.

Kugeza ubu imitwe CNDD -FDD, ishami riyobowe na Pierre Nkurunziza, hamwe na PALIPEHUTU-FNL, ishami rya Agathon Rwasa, byanze gusinyana amasezerano y’agahenge na guverinoma y’Uburundi.

Andi mashami y’iyo mitwe ariko - ni ukuvuga ishami rya CNDD-FDD riyobowe na Jean Bosco Ndayikengurukiye - hamwe n'ishami rya PALIPEHUTU FNL riyobowe na Alain Mugabarabona, yo yemeye agahenge na guverinoma ku itariki ya 7 z’ukwezi kwa 10 muri uyu mwaka.

/font>

XS
SM
MD
LG