Igihugu cya Ghana cyegukanye igikombe cy'Afrika cy'ingimbi. Ikipe y'igihugu cya Ghana yatsinze Cameron ibitego bibiri ku busa. Byose byatsinzwe n'umukinyi wa Ghana, Osei Ransford. Igitego cya mbere yagitsinze ku munota wa 22 w'igice cya mbere. Igitego cya kabiri agitsinda ku munota wa 86 w'igice cya kabiri.
Umwanya wa gatatu wegukanywe n'igihugu cya Nigeriya gitsinze Afrika y'Epfo ibitego bibiri kuri kimwe.
Aya makipe yose uko ari 4 yageze muri kimwe cya kabiri cya CAN y'ingimbi, ni ukuvuga Ghana , Cameron, Nigeria, na Afrika y'Epfo, azitabira imikino y'isi y'ingimbi, izabera mu gihugu cya Misiri mu kwezi kwa 9 mu mwaka wa 2009.
Imikino ya nyuma ya CAN y'ingimbi yatangiye ku itariki ya 18 z'ukwezi kwa 1 mu mwaka wa 2009, irangira ku itariki ya 1 z'ukwezi kwa 2 mu mwaka wa 2009. Yabereye kuri Sitade Amahoro na Regional i Kigali, yitabirwa n'ibihgu 8, aribyo u Rwanda, Mali, Ghana, Cameron, Nigeria, Afrika y'Epfo, Misiri, na Cote d'Ivoire. U Rwanda rwayakiriye nti rwarenze umutaru.