Umubare
w’abagore uruta uw’abagabo mu mutwe w’abadepite. Mu nteko ishinga amategeko y’u Rwanda, umutwe w’abadepite, mu matora
yakozwe kuva ku italiki ya 15 kugeza kuya 18 z’ukwezi kwa 9 mu mwaka wa 2008,
imibare igaragaza ko ku badepite 80 bagize iyo nteko, 45 ari abagore. Ni
ukuvuga 56.25 ku 100. Abagabo ni 35 gusa.
Muri abo bagore 17 baturutse mu mutwe wa FPR n’indi mitwe bifatanije; 2 muri PSD; 1 muri PL; 1 mu rubyiruko na 24 mu matora y’abahagariye abagore.
Itegeko nshinga rya Repubulika y’u Rwanda rivuga ko nibura abagore bagomba kubona 30 ku 100 mu nzego zose z’ubuyobozi. Akaba ari ubwa mbere u Rwanda rugize umubare munini w’abagore mu nzego z’ubuyobozi. Mu badepite bacyuye igihe abagore bari bagize 48.8 ku 100.
K’uruhande rumwe, hari abanenga abo bagore ko nta musaruro ugaragara
batanga. Ariko mu kiganiro Perezida w’u Rwanda, Paul Kagame, yagiranye
n’abanyamakuru mu kwezi kwa 3 mu mwaka wa 2007, yavuze ko batanga umusaruro mu
nzego barimo.