Uko wahagera

Amatora y'Abadepite Ataziguye mu Rwanda


Kwiyamamza mu matora y'Abadepite ataziguye birakomeje mu Rwanda. Ukwo kwiyamamaza kuzarangira ku itariki ya 13 z'ukwezi kwa 9 mu mwaka wa 2008. Amashyaka ya politiki ahatana FPR n'abo bifatanije; ariyo PSD, PL, ndeste n'umukandida umwe wigenga, akomeje kureshya abaturage hafi miliyoni 5 bazatora. Barahatanirwa imyanya 53.

Abayoboke ba PSD bo mu karere ka Ruhango mu murenge wa Kinihira, batangarije Ijwi ry'Amerika ko muri iki gihe abamamaza ishyaka ryabo bakorerwa iterabwoba, ndetse bagafatwa nk'abica gahunda za guverinoma. Bati" Ibyo ariko nti bizatubuza guha PSD ijwi ryacu".

Visi-Perezida wa mbere wa PSD, Marc Rugenera, yadutangarije ko ibyo bitabaca integer, ndetse ko bizeye ko bazabona abadepite benshi barenga 7 bari babonye mu matora aheruka y'abadepite yo mu mwaka wa 2003.

Kwiyamamaza byatangiye ku itariki ya 25 z'ukwezi kwa 8 mu mwaka wa 2008. Bigomba gukorwa mu minsi 20, bikazarangira ku itariki ya 13 z'ukwezi kwa 9 mu mwaka wa 2008. Amatora azaba ku itariki ya 15 z'ukwezi kwa 9 mu mwaka wa 2008.

XS
SM
MD
LG