Mu rwego rwo gukomeza umugambi w'inzira ya demokrasi u Rwanda rwiyemeje, hari amatora y'abadepite ateganijwe mu mpera z'uyu mwaka wa 2008. Ni ubwa kabiri guverinoma y'u Rwanda izaba ikoresheje amatora y'abadepite nyuma y'inzego z'inzibacyuho.
Mu kiganiro Dusangire Ijambo, Etienne Karekezi yatumiye bamwe mu bakurikiranira hafi politiki y'u Rwanda. Ku ruhande rw'Umuryango wa FPR Inkotanyi, uyoboye u Rwanda umutumire ni bwana Seriviliyani Sebasoni, umunyanama n'umuvugizi wa FPR Inkotany. Hatumiwe kandi Madame Victoire Umuhoza Ingabire, umuyobozi w'umutwe wa politiki FDU-Inkingi aba mu Buhollandi. Undi watumiwe muri iki kiganiro ni Dr. Christian Marara, umuyobozi w'ishyaka rya PPC uba mu Bufransa.
Ni muri Dusangire Ijambo ya Etienne Karekezi.