Uko wahagera

Ba Brigadiye Generali Frank Rusagara na Sam Kaka Barekuwe by'Agateganyo


Kuya 17 Kanama 2007, urukiko rwa gisirikare rwarekuye by’agateganyo ba Brigadiye Generali Frank Rusagara na Sam Kaka bakurikiranweho icyaha cyo gufasha gutoroka umunyemari Rwigara Assinapol. Ubushinjacyaha bwa gisirikare bwatangaje ko n’ubwo Rwigara yabonetse bidakuraho icyaha cyakozwe.

Ba Brigadiye General Rusagara na Kaka ndetse n’ababunganira bagaragarije urukiko ko bafunzwe mu buryo bunyuranije n’amategeko, bahakanira urukiko ko batigeze bakora icyaha bakurikiranweho.

Urukiko rwavuze ko batanyujijwe imbere y’umucamanza kugira ngo yemeze ifungwa ryabo ry’agateganyo. Urukiko rwasanze ifungwa ryabo ry’agateganyo ritakurikije amategeko.

Urukiko rwategetse ko abo ba Brigadiye General bafungurwa by’agateganyo. Urubanza rwabo ruzasubukurwa kuya 6 Nzeri 2007.

Tubibutse ko, Brigadiye General Frank Rusagara yatawe muri yombi kuya 1 Kanama 2007, naho Brigadiye General Sam Kaka agatabwa muri yombi kuya 8 Kanama 2007, bitewe n’uko babujije polisi y’igihugu guta muri yombi umucuruzi Rwigara Assinapol kuya 27 Nyakanga 2007.

XS
SM
MD
LG