Uko wahagera

Rwanda: Frank Habineza mu Matora ya Perezida


Kuri iki cyumweru taliki 19 ukwezi kwa gatatu umwaka wa 2017 , inama rusange y'ishyaka riharanira demokarasi no kurengera ibidukikije mu Rwanda ritavuga rumwe n'ubutegetsi buriho mu Rwanda ryemeje burundu uzarihagararira mu matora y'umukuru w'igihugu. Ni bwana Frank Habineza n'ubusanzwe perezida w'iryo shyaka uzarihagararira. Aravuga ko azashyira imbere demokarasi kuri bose , kwihaza mu biribwa n'umutekano n’ukwishyira ukizana mu gihugu yifuza ko cyatemba amata n’ubuki.

Yavuze kandi ko bazazanzamura imibanire y’ibihugu by’amahanga birimo Uburundi, Repubulika iharanira demokarasi ya Kongo, n’Ubufaransa.

Iri shyaka riharanira demokarasi no kurengera ibidukikije mu Rwanda ribaye irya mbere ryemeje burundu umukandida uzarihagararira mu matora y’umukuru w’igihugu mu mashyaka 11 yemerewe gukorera mu Rwanda.

Icyakora ikizwi n'uko Prezida w’ u Rwanda Paul Kagame wo mu ’ishyaka riri ku butegetsi FPL yatangaje ko aziyamamariza gukomeza gutegeka u Rwanda. Ni nyuma yo kubisabwa n’abaturage. Inkuru y'umunyamakuru w'Ijwi ry'Amerika Eric Bagiruwubusa.

Facebook Forum

XS
SM
MD
LG