Uko wahagera

Umunyarwanda Ndayisenga Yatsinze Tour du Rwanda


Valens Ndayisenga (hagati) amaze gutsinda Tour du Rwanda

Valens Ndayisenga (hagati) amaze gutsinda Tour du Rwanda

Umunyarwanda Valens Ndayisenga yaciye agahigo ko kwegukana Tour du Rwanda ku nshuro ya kabili.

Nk’uko yari yabigenje mu mwaka wa 2014, Ndayisenga ukina muri Dimension Data yo muri Afurika y’Epfo yegukanye isiganwa ry’amagare mpuzamahanga rizenguruka igihugu Tour du Rwanda ry’umwaka wa 2016.

Mu ntera isoza yo kuzenguruka mu mujyi wa Kigali Ndayisenga yaje ku mwanya wa 3 akurikiye Tesfom Okubamariam wo mu ikipe y’igihugu ya Eritreya na Eyob Metkel bakinana muri Dimension Data yo muri Afurika y’Epfo.

Mu rugendo rw’ibilometero 805 na metero 700 rw’iyi Tour du Rwanda 2016 Ndayisenga yakoresheje amasaha 21 iminota 15 n’amasegonda 21. Ku rutonde rusange akurikiwe na mugenzi we Eyob Metkel ku mwanya wa gatatu hakaza Tesfom Okubamariam w’ikipe y’igihugu ya Eritreya.

XS
SM
MD
LG