Uko wahagera

USA: Abarenga Miliyoni 100 Bitabiriye Itora


P

P

Abantu barenga miliyoni 46 batoye muri leta nyinshi zafunguye ibiro by’amatora kare mu gitondo muri ibi byumweru bike bishize. Izindi miliyoni 80 kujyana hejuru ya miliyoni 100 zari zitezwe gutora kuri uyu munsi w’itora taliki ya 8 y’ukwezi kwa 11 umwaka wa 2016. Muri uyu mugoroba amajwi yo muri leta zo mu burasirazuba bw’igihugu araba amaze kumenyekana mu gihe amatora akomeje mu bice by’uburengerazuba bw’igihugu.

Mu masaha ya mbere kuri uyu munsi w’itora, hari imirongo miremire ku biro by’amatora mu mande zose z’igihugu. Abantu bari bategereje gutora, abenshi mbere yo kujya ku kazi mu gihe muri leta imwe habaye ikibazo cy’imashini zo gutoresha.

Muri aya masaha ya sakumi n’ebyiri z’umugoroba ku isaha ya hano i Washington DC amajwi amaze kubarurwa yo muri leta ya Kentucky n’iya Indiana agaragaza koDonald Trump ari imbere ya Hillary Clinton muri izo leta. Clinton we yabonye amenshi mu majwi mu mujyi muto wa Dixville Notch muri leta ya New Hampshire. Cyakora biracyari kare cyane kumenya uri bugire amajwi menshi hagati y'abakandida bombi.

XS
SM
MD
LG