Uko wahagera

Abanyamakuru Bamaganye Ifungwa Rya Televiziyo mu Buhinde


Abasilikali hanze y'ikigo cy'ingabo z'Ubuhinde zirwanira mu kirere cyagabweho igitero mu kwezi kwa mbere

Abasilikali hanze y'ikigo cy'ingabo z'Ubuhinde zirwanira mu kirere cyagabweho igitero mu kwezi kwa mbere

Abanditsi bakuru bakomeye n’abanyamakuru mu gihugu cy’Ubuhinde bamaganye icyemezo cya leta y’Ubuhinde gihagarika imwe muri za televiziyo zo mu gihugu ikomeye kuko yerekanye inkuru ijyanye n’ibitero by’iterabwoba.

Iryo huriro ry’abanyamakuru rivuga ko ihagarikwa ry’icyo gitangazamakuru kizira gutangaza inkuru ku iterabwoba byibutsa ibihe nkibyo itangazamakuru ryanyuzemo mu mwaka wa 1975, ubwo hashyizweho amategeko abangamira ubwisanzure bw’itangazamakuru.

Ministeri ifite itangazamakuru mu nshingano zayo yavuze ko televiyo ya NDTV itangaza mu gihindi yatangaje amakuru y’ibanga yashoboraga gukoreshwa n’imitwe y’iterabwoba mu guteza umutekano muke mu gihugu.

Mu kwiregura televizyo ya NDTV yibaza impamvu ariyo yonyine yahagaritswe, kandi iyo nkuru yaratambutse no mu bindi bitangazamakuru.

Abahagarariye ibitangazamakuru bavuga ko icyemezo cya leta giciye ukubili n’uburenganzira bw’itangazamakuru.

Mu kwezi kwa mbere uyu mwaka ibyihebe byagabye igitero ku kigo cy'ingabo z'Ubuhinde zirwanira mu kirere

XS
SM
MD
LG