Uko wahagera

Abasirikare 2 b'Amerika Biciwe muri Afganistani


Igisilikare cy’Amerika kivuga ko abasilikare babiri bapfuye bazize ibikomere barashwe kare mu gitondo n’abatalibani mu majyaruguru y’Afuganistani.

Ubuyobozi bw’ingabo z’Amerika buvuga ko abasilikare barashweho ubwo bari mu myitozo, bagira inama kandi bafasha abasilikare bari mu butumwa hamwe n’abasilikare b’Afuganisitani. Ibyo babivuze mu itangazo ryashyiriwe ahagaragara i Kabul. Abandi banyamerika babiri bakomerekeye muri ubwo butumwa.

Umugaba w’ingabo z’Amerika muri Afuganistani, generali John Nicholson, yagize ati: “Ni igihombo gishenguye umutima”. Yavuze kandi ko ati twifatanije mu izina ry’ingabo ze bifatanije mu kababaro n’imiryango hamwe n’incuti z’abapfushije ababo.

Yavuze ko abakomeretse barimo kuvurirwa mu bitaro bifite ubushozi. Ati: “Tubafite ku mutima buri munsi bo kimwe n’imiryango yabo”.

N’ubwo hari abatakaje ubuzima, generali John Nicholson yavuze ko ingabo z’Amerika zikomeje ubwitange bwazo bwo gufasha abanyafuganisitani kurwana ku gihugu cyabo.

XS
SM
MD
LG