Uko wahagera

Ubufaransa Bwatangiye Kwimura Abana b'Impunzi


Leta yohereje imodoka za bisi 30 zigomba kwimura abo bana zikabajyana ahantu habugenewe hataramenyekana

Leta yohereje imodoka za bisi 30 zigomba kwimura abo bana zikabajyana ahantu habugenewe hataramenyekana

Inzego za leta mu Bufaransa zatangiye gahunda yo gukura abana bakiri bato babimukira mu kigo cyari kibacumbikiye cya Calais.

Abo bana bari bamaze igihe bacumbikirwa muri za kontineri mbere yuko leta ifata icyemezo cyo guhagarika burundu icyo kigo. Abo bana bagera ku 1,500.

Leta yohereje imodoka za bisi 30 zigomba kwimura abo bana zikabajyana ahantu habugenewe hataramenyekana. Alexander Simmons, umwe mu bakurikiraniraga hafi imibereho yabo bana, yavuze ko ahangayikishijwe n’umutekano w’abana bari bafashe icyemezo cyo kuturira izo modoka.

Simmons yavuze ko bagerageje kumenya icyo leta izagukorera abana banze kurira izo bisi, ariko ngo nta gisubizo yahawe.

Intumwa za ministeri ifite impunzi mu nshingano zayo z’Ubwongereza nazo zari zihibereye. Zavuze ko zagerageje gusobanurira abo bana ikigiye gukurikira.

Ubwongereza bukomeje kotswa igitutu busabwa kwakira bamwe muri abo bana. Leta ivuga ko yemeye kuzagira abo yakira, ariko nta mubare itanga.

Ikigo cya Calais cyari gicumbikiye abimukira baturutse mu bihugu bitandukanye byo mu burasirazuba bwo hagati n’Afurika. Icyo kigo cyanengwaga kwakira umubare munini urenze ubushobozi bwacyo.

XS
SM
MD
LG