Uko wahagera

Abayazidikazi Babiri Bahawe Ishimwe ry'Ikirenga


Nadia Murad na mugenzi we Lamis Haji Bashar bahawe igihembo cyitiriwe Sakharov gitangwa n'Inteko Ishingamategeko y'Umuryango w'ibihugu by'i Burayi

Nadia Murad na mugenzi we Lamis Haji Bashar bahawe igihembo cyitiriwe Sakharov gitangwa n'Inteko Ishingamategeko y'Umuryango w'ibihugu by'i Burayi

Abagore babiri bo mu bwoko bwa ba Yazidi bari barafashwe bugwate n'abarwanyi b'umutwe wa Leta ya Kiyisilamu muri Iraki bahawe igihembo cyitiriwe Sakharov gitangwa n'Inteko Ishingamategeko y'Umuryango w'ibihugu by'i Burayi.

Icyo gihembo akenshi gihabwa abantu baharaniye uburenganzira bwa muntu no guteza imbere ubwisanzure bwo kuvuga icyo ushaka n'icyo utekereza.

Nadia Murad na mugenzi we Lamis Haji Bashar, n'abandi bagore benshi bo mu bwoko bwa ba Yazidi bafashwe bugwate bakuwe ku misozi bari batuyemo hafi ya Sinjar nyuma bagirwa abagore ku nguvu n'abarwanyi b'umutwe w'intagondwa wa Leta ya Kiyisilamu mu mwaka wa 2014.

Abo bagore uko ari babiri, bahise bafata iyambere mu kugaragaza ibibazo n'ingorane abagore babayazidi bahurana nazo,bakanabakorera ubuvugizi.

Ikindi bakomeje guharanira nuko ubwicanyi bwakorewe abayazidi bwafatwa nka Jenoside.

Umutwe wa Leta ya Kiyisilamu ntiwemera imyemerere y'Abayazidi, ukavuga ko basenga ibigirwamana.

XS
SM
MD
LG