Uko wahagera

Ba Perezida Kagame na Kabila Barahuye i Rubavu


Perezida wa Republika iharanira Demokarasi ya Kongo, Joseph Kabila, yagize urugendo mu gihugu c’u Rwanda kur'uyu wa gatanu. Yakiwe na perezida w’u Rwanda, Paul Kagame.

Abo bategetsi bompi babonaniye mu gisagara ca Rubavu hafi y’urubibe ruhuza u Rwanda na Kongo. Bari baherekejwe n’abategetsi barimwo abashikiranganji batari bake.

Abaserukiye Republika iharanira demokarasi ya Kongo bari bayobowe na Alexis Tambwe Mwamba, umushikiranganji ajejwe ubutungane, Atama Tabe, umushikiranganji ajejwe kwivuna abansi na Martin Kabwelulu, umushikiranganji ajejwe ubutare.

Abaserukiye u Rwanda barimwo, Louise Mushikiwabo, umushikiranganji ajejwe imigenderanaire, James Musoni, umushikiranganji ajejwe ibikorwa vya Reta na Germaine Kamayirese, umushikiranganji wa Reta ajejwe amasoko ntanganguvu mu bushikiranganji bw’ibikorwa vya Reta.

Izo mpande zibiri zaganiriye ibibazo bitari bike. Barumvikanye ku vyerekeye gukomeza ugufashanya, cane cane, ku vyerekeye ubudandaji ku mbibe u Rwanda na Kongo bihana, cane cane ivyerekeye gucukura gaze ya methane, mu kiyaga Kivu.

Ku vyerekeye gufashanya mu vyerekeye umutekano, impande zose zarahayagije intambwe zimaze gushikako ku vyerekeye kuzimanganya imirwi irwanya ubutegetsi. Zashimikiye kandi ku gikorwa nkenerwa c’ugushiraho uburyo bukomeye bw’ugusangira amakuru y’iperereza.

Izo mpande zibiri ziyemeje ku vyerekeye utwigoro tw’ugusubira kunagura imigenderanire hagati yazo n’ukuyikomeza.

XS
SM
MD
LG